(مجلة كل الخواطر) فيروز يا سينا _ للشاعر المبدع / طارق شامخ عبد الجواد

فيروز يا سينا 

فيروز يا سينا 
يا اجمل مدينه
الصحرا فيك جنه ف عينينا 
لو خيروني بين نور عيوني
وانك تكوني لحد تاني
يروح شبابي ويضيع ولادي
والغالي يرخص وتبقي لينا 
على رملك انتي كتبنا غنوه 
لحنها اخويا غناها ابني بدم غالى 
ازاى تهوني على حد فينا 
روينا ارضك بدموع ودم 
ولجل خاطرك شايلين ف هم 
خايفين عليك من عدويك
منتى يا حلوه ليهم اغلى حلم 
تشهد جبالك وانا من عيالك
احلام جيرانك هتبقا وهم 
طول منتى منا وفيه رجالك
نجمك حيبرق باسم مصر 
شمسك هتشرق جواها نسر 
ولا حد يقدر يوم علينا 
فيروز يا سينا. فيروز يا سينا 
طارق شامخ عبد الجواد