جارى التحميل
استخدم زر ESC أو رجوع للعودة
ياعم حظ
.......
ياعم حظ إحنا هنا
تايه سنين ليه عننا
ولا إحنا يعني عشان غلابه
ديما يضيع فيك حقنا
...........
ياعم حظ إرحم أبونا
مفيش حبايب يشترونا
حتى القرايب كل يوم
بالرخص ديما بيبيعونا
...........
تعرف ياعم لو تجينا
كل اللي سابنا راح يجينا
حتي اللي باعنا هيشترينا
وهيلعنوا اليوم اللي عدى
ويقولوا كانوا خايفين علينا
...........
تعالى مره وإمشي مره
العيشه وسط الناس دي مره
ديما مجهزين في وشوش
بيغيروها كل مره
...........
ياعم حظ إحنا إكتفينا
إرحمنا بقى خليك جدع
تعالى مره إرحم أبونا
تعبنا من كتر الوجع
بقلم / عصام دويدار
