جارى التحميل
استخدم زر ESC أو رجوع للعودة
نفسي يادنيا.
نفسي يادنيا تصفي ليا ولو ثواني.
نفسي يادنيا ماتقلبيش الجرح تاني..
كل مره بأحاول فيها ألملم جروحي.
كل مره أكتم وأخبي وكتير وعاني
ليه يادنيا نفسك اكون حبة ورق
قلب اتحرق
وبترسمي عليهم بالألم احزاني
ليه يادنيا مش عايزه عني ترجعي.
وأنا الي بأصرخ من الالم بجرة قلم
وانتي تخدعي.
وأنده عليكي بأعلي صوت ياريتك
تسمعي
كل يوم واخداني في دوامه مالهاش
نهاية تكتبي
كل يوم عاملة للحزن معايا الف رواية
وتجمعي
خفي عني مايبقاش دمك سئيل و تقيل.
غلبت معاكي يادنيا وعملت المستحيل.
والحمل أصبح يادنيا علي الكتف تقيل.
الصبر فاض بيا وأنا منك مليت.
وعمري في حياتي غير لربي ماشتكيت.
