= = ياغربه الايام ) = = =
بقلم \\ الشاعر فرج برعي ابراهيم
= = = = = = = = = = = =
ياغربه طالت فيكي الايــــــام
ياغربه كفايه عليكي حــــرام
ليل ونهارفي قلبي بتكويني
علي فراق الحبايب ونورعيني
لجمع المال ياغربه فيكي يكفيني
ولا حبك ليا في القلب يرويني
ياسنين العمر ارجــــعي تاني
وصحي فيا كل أحــــــلامي
ليه عايزه ياغربه تبــكينــي
شوفي حالي مره وراعيني
كان ليا حلم جميل وباحلم بيه
وسط اللمه أنا وأصحابــــــي
كل يوم كنت أحكي عليـــــه
تاه مني خلاص حلمي ياغربه
فين أصحابي يادنيــــا ياكربه
فين الحب الي عشته زمان
مين الي صان ومين الي خان
مات القلب فيكي ياغربــــه
ونسيت فيكي أنا كل انسان
نسيت الحب نسيت الحنان
زودتي عليا الهم والاحزان
نسيتي ياغربه اني أنا انسان
نفسي أرجع أنا زي زمـــــان
بين الاهل والاصحاب والخلان
بين الزرع والشجر بين الغيطان
نفسي أرجع ليكي يابلدي ياأم الحنان
نفسي أرتوي من نيلك زي زمان
عايز أقولك أسف ليكي يابلدي
يامصر ياغاليه يابلد الامن والامان