مش هاقولك وداع
::::::::::::::::
ياصاحبى ياللى منك قليل
رحت فين وسايبنى عليل
ايامى جنبك ......
كانت ماليها مثيل
حتى وانت غايب عنى
برده همسك طيفك
كل كلمة ليا دليل
هامشى على خطوتك
وهاعيش على ذكراك
ياللى فى قلبى سكنت محبتك
حتى لو هاتغيب مليون سنة
مش هاقول انك غايب عننا
لانك فى القلب واحد مننا
مش هاقولك وداع
هاقول هاييجى يوم
نتجمع كلنا ....
زى زماااان
بدعيلك ياحتة مننا
ياللى كنت نبع من الحنان
مش زعلان انك سبتنا
علشان زمانك فى جنة الرحمان
واحنا هنا بندعيلك من قلبنا
ياللى كنت بتعلمنا الامان
بتعلمنا ازاى نتعامل كمان
احنا كنا سفينة وانت الشراع
مش هاقولك ابدا وداااع
يوماتى هادعيلك.....
هاصليلك...........
ومهما طال الزمان هانجيلك
ونتلاقى بالحب والحنان
انا عمرى ما هنساك
لانك كنت بينا ملاك
ولا هاكون انا ليك بياع
مش هاقولك عمرى وداااع
$$$$$$$$$$$$$$$$$$$
صلاح البرماوى
