( الدنيــــا )
بقلم : حازم سعيد ( أبو عبدالله )
ذكرى جميلة شافتها عينيا
حلم كبير وعدَّى عليّا
ليه اللحظة الحلوة تعدِّي
ويفضل منها ذكرى جميلة
نفسي اللحظة تهدِّي
نعيش أيامها ونفرح بيها
وليه أيام الحزن كتيرة
سقيانا المر ومش بتمر بسرعة علينا
نفسي يوم الحزن يعدِّي
وميجرحش قلوب مـ الهم عايشة حزينة
أنا لازم اعيش أيامي الجايا
أخُد منها أحلى مافيها
عشان مندمش على اللي يفوتني
ولا دقيقة أفكر فيها
بص وشوف دنيتنا الغالية
مين من الناس خلِّد فيها
هي الدنيا جايا ورايحه
مش مستهله نبكي عليها
بقلم : حازم سعيد ( أبو عبدالله )
