زوزا كريستالكل الخواطر
فى كل المحن ....
فى كل المحن بستنى قلبك يخبط على باب احلامى ...
واتمنى روحك تضمنى وتخفف ألامى ...
فى كل المحن...بدور عليكِ بين عيون البشر...
استنى منهم لحظة عطف على قلب إتغدر....
وأمَنى نفسى بخيال ياخدنى بعيد لدنيتك...
واعيش فى حلمى زى طفل فرحان فى جنتك...
فى كل المحن ...بنادى على طيفك يضم روحى ...
يرحمنى من عذاب البشر ويهون عليا جروحى ....
والف معاة الكون مليانة سعادة ...
ومخافش من اى ظنون تجرحنى كالعادة....
والاقينى بتحمل القسوة والخوف والنسيان ...
واشوف الحياة حلوة ومحسش بغدر الزمان...
وفى كل لحظات عمرى بستناكِ انتِ...
احكيلك واشكيلك ويكون شطك مدينتى ..
واتخيل ان كل همومى من على كتفى راحت...
وتجاعيد الزمن وصوت الوجع ...
واحس ان روحى هِديت وارتاحت
ياااااة عليك احساس لما تدخل قلبى وتستكين..
وتعيشنى فية ثانية وتوهمنى انة سنين ....
ياريت الزمن يرجع ...مكنش ساعتها الفراق يوجع...
وكنت فضلت زى ما انا ...
بضحك من قلبى ...معرفش اخبى ...
لكن دلوقت ...عايشة مجرد وقت ...
بستنى الراحة فى لقاكِ..
بستنى يوم ما اكون وياكِ..
والله لو كان الزمن بيرجع ...
ما كان الفراق ابدا ابدا هيوجع...
زوزا كريستال"عزة وهيب"
