شقيت جدار الصمت رافض انكسارى
حلفت لانهى اليل بشمسك لو فيها انتحارى
وعملت دمى مفتاح للزنازن
اخرج الحلم الى اتخنق من انتظارى
رميت وشاح الهم سارق فرحتى
بعلن مليش غير عزتك هيه اختيارى
بس نسيت ان لكل زمن كلاب
من كتر حبك **لهفتى **نسيت مرارى
بس لقيت بواقى الضباع حواليكى
وعرفت يا امه ساعتها ان الضباع انواع
فيه ضباع من عفن الزمن الى ضاع
وضباع ميهمهاش غير انها تعيش ضباع
وضباع من خسها ميهمهاش الدم وتبيعك مشاع
وضباع تغشك ضهرك ووشك وتزود الاوجاع
مدى ايدك
مدى ايدك ابوسها واوعدك
لا انا هنتهى
ولا هينتهى حلم الخلاص
ابنك مسلمشى والعلم رابطه ف راس
مينحنيش ولا لما اقع
م الى يقف قصاد الحق يبقى متعلمش
بيقولوا عنى خربتها
طب الى قالوا كانوا فين
لما جراحك عماله تنزف وحدها
سالت الارض الى اتروت مين الى ندم
الى اتصدم **ولا اتفرم
انا كنت ماسك ف النفس
والكاس عشان حسى اتعدم
انا كنت جاهل زيى زى الناس
سايبك غشم
بس ودينى
لارجع اعلم الكلاب معنى العلم
الى وهب نفسة عشانك
ميهمهوش حبه خدم
الى وهب نفسه عشانك
ع الشهاده بس اتفطم
ومتقوليش بهدلتنى
ومتقوليش بهدلتنى وحقى لازم تعتذر
بس اصبرى
بس اصبرى شوفى اخره اختيارى
ايدك ابوسها
سبينى ااجل اعتذارى
