جارى التحميل
استخدم زر ESC أو رجوع للعودة
تراهنينى
مهما تبعدى عنى
هيجى اليوم وهتجينى
ولما تغمضى عينك
بعينك بردو تشوفينى
تعضى لسانك
ده من غيظك
عشان مره جرحتينى
وزى ما لومت يوم نفسى
عشان قلبى سرقتينى
هتلمى دموعك
على كفك
تصرخى بعزم ما فيكى
وقلبك ما ياخد صفك
تقوليها سامحتينى
عشان انتى فهماكى
ولا عمرك فهمتينى
هترجعى بعد ما تقسى
وتنسى كل حلفانك
وايمانك
تمسكى صورتى قدامك
تشوفى كل احلامك
تعاتب فيكى ايامك
بعدتيها و بعدتينى
يعذب فيكى امبارح
تتمنى تشوفينى
تمسكى صورتى
تسقيها بدموع عينك
ولا دمعك ف يوم يخلص
ولا دمعك هيسقينى
هتعترفى وده جواكى
سعاتها انك خسرتينى
تراهنينى
