أنا مش بأسَف عَليك 
****************
أنا مش بأسَف عَليك 
ولاعَليَّ عُمر مَنَحتُه ليك
أنا بأسَف علي قَلب خان
وعَليَّ حُب كان . وهان
عَليَّ شوق وحَنين 
وقَسوَه بَقالها سِنين
عَليَّ قَلب دايما مَجروح 
شايل هَم مّكان مايروح
ماأنا ياما شُفت مَعاك هَوان 
ذُل . وإتحَمِلتَك ياما زمان
بُعد وهَجر وقَسوه كَمَان 
وكُنت أدعيلك تكون في أمان
ما أنا ياما صِبرت عَليك 
وأنا شايفَه الغَدر جوه عينيك
وإتحملتك لما تثور 
وعلي قَلبي كُنت تُجور
وياما . ياما سالت دِموعي
وحبست أنيني ونوحي
لَما نَزفِت جُروحي 
وعِشت مَعاك أَكَلم روحي
بَس أوعِدَك
أنا مش هارجع تاني وَريَّ
ولا هاسألك ايه إللي جَري
ولامين فَرَق بينا ياتري
وروح . ماإنت إخترت تخون العَهد 
ولا تِوفيش أبَداً بالوَعد
روح ياأحلي حِلم ماعيشتهوش 
رَسَمه خَيالي وماشُفتُهوش
وأوعِدَك مِش هاكرَهَك 
وبالخير دايما هاتذَكَرك
وراح أدعيلك ربي يوفَقك
راح أدعيلك ربي يوفَقك
صفاء عبد ربه