مصر
بقلم
ايمن البلاط
مصر ياامى ياام الدنيا
فيك عرفت كل جميل

فيكى اصاله وفيكى الطيبه
والحنان مالو مسيل

فيكى المسلم و المسيحى
فى امان الاتنين عايشين

فيكى سامع صوت الأذان
واجراس الكنيسه كمان

من ايام ثورة زغلول
وقبلها بزمان وزمان

رفعنا الهلال مع الصليب
واتحدنا ضد العدوان

مفيش فينا حد غريب
كلنا ليكى سكان

الدم واحد والجرح واحد
وثورتنا زى البركان

حاضنه يامصر كل ولادك
وفيكى كل الأديان

شايف فيكى انجيل توراة
وزبور وكمان قرأن

اللى ملوش وطن يابلادى
انتى ليه كل الأوطان

فيكى شهامه وفيكى كرامه
علمهالنا واحنا عيال

مصر يابلدى ياام الدنيا
يتحقق فيكى كل الأحلام

لو ابعد عنك لو ثانيه
احس يامصر انى غرقان

حضنك دفئ صيف وشتاء
ومليان امن وامان

مصر ياامى ياام الدنيا
فيك عرفت كل جميل

فيكى اصاله وفيكى الطيبه
والحنان مالو مسيل
بقلم
ايمن البلاط