يوميات راجل مقهور
زعلانة ليش ؟؛؛؛
وجاى بتخاصمينى
وجاية تقولي فين أراضيك؟؟
طب قولى إنتي فين ألاقيكي.
وأنا آجى أبوس يَدّك وأراضيكي.
لمّا جعلتك فرشى وأرضي ..
لمّا ملَكتك طولي وعَرضى ..
لمّا وهبتك اسمي وعِرضي..؛؛؛
لمًا وهبتك قلبى وروحى...
وعمرى بحاله ملك يَديكي..؛
ولّا هوايا ما عاد يرضيكي ؟؟؟
زعلانة ليش؟؟؟؟
ولماّ بنادي ما تسمعنيش ؟
قلبي خلاص بقى دقة قديمة ؟؟
ولا كلامي ما عليهش القيمة؟؟
حتى بلحن هوايا حبيبى......
انتي خلاص ما بتفهمنيش ؟؛؛؛؛
طب وأنا اعمل إيش ...؟؟؟
غنوة زماااان غنتها الست
أنا يا حبيبي بعمرى ملكتك .
وملكت الحب دى كلمة ...قَرِيش
تعرفي ليش ..؟؟؟؟؟؟؟
لما وهبتك حبى قاسيت
لا فى يوم بعت ولا مرة قِسيت
قلتي شوال حب معبِّي
أغرف منه ..أنادي ...؛؛؛ يلبِّي
لا بعرف أدارى ولا أعرف أخبِّي ..
ولمَّا بيطلب حبى ...؛؛
...... أقوله ... مفيييش
ولما بيزعل أقلب صورة
ما انا يا حبيبى كمان معذورة
شوق وعيال وكمان مكسورة
انت خلاص ما بترحمنيش ؟؟؛؛
بقة بالذمة دا كلام يتقال ؟؟؛؛؛
ولّا الحب دا لعب عيال ؟؟؛؛؛
لو ليكي مُصلَحة يبقي كويس
ولو جييت أحبك يبقى خيال ؟؟
كتمت لساني جوَّا الحلق
خليني مستور قدام الخلق
وأديني سواح فى بلاد الله
بحري وغرب وقبلي وشرق
ولمَّا أنا ببعد تيجي معاليكي....
وتقولى بيني وبينه .....عامل فرق
طب إيش يرضيكي ..؟؟؟؟
روحي وقلبى كمان يفديكي
افهمى بس وحسِّي بحالي
دا أنا يا حبيبي أسير موَّالى
وكلام قلبي دا ملك يَديكي .
...........لو يرضيكي
خالد العطار
إعجاب
