الشاعر محمد البلاط
فين ايامك
بقلم محمد البلاط
فين ايامك
فين البسمه
وفين الحضن الدافى
رحلتى عنى لغربه
وقلبى ساكنه اوصافك
وعقلى بالجنون هيشت
صحيح
الموت بعينه شافك
صحيح
فرقنا فى لحظه
وجرى فى عينى الدمعه
وبشكى شكوتى لله
وملائكه فى السما سامعه
ما كنتى ليا الشمعه
وكنتى منديل الدمعه
وشايله همومى عن كاهلى
تلبى مطلبى وسامعه
صحيح
الموت بعينه شافك
ليه رحلتى وسيبانى
وليه الدنيا خانتنى
خدت منى حبيب قلبى
وموتك جرح اذانى
ليه ماسابك وخد منى
نص العمر والننى
ونقسم الباقى منه
منايه كنتى تبقيلى
يا اغلى من ضى عينى
رحلتى ليه وسيباني
وطيفك لازم الليل
فى كل الكون انا شايفك
وطيف بيحوم انا معاهدك
على انى وعلى انك
لبعض ندوم
ولونك
فى لحظه رحلتى وسبتينى
ما بين الليل وبين املى
بشوف طيفك يواسينى
واعد خطاوى بخطيها
شارد فى الليل
واقلب ذكرى سنينى
ودمعى يجرى من عينى
ويرسم طيف لخيالك
وفى عينك اشوف عتاب
واشوف نظره تواسينى
فين ايامك
فين البسمه
وفين الحضن الدافى
يا طيف حبيبى اللى رحل
يا حمل عليه ثقل
ميل كتافى
من الحزن قلبى انكسر
فين ايامك
فين البسمه
وفين الحضن الدافى
رحلتى عنى لغربه
وقلبى ساكنه اوصافك
