مفيش فايدة ..
ونار الحب مش قايدة !
وقلب حزين ووحدانى ..
ومتجرح وبيعانى
بيسأل ليه بقينا وحوش ؟!
ولينا وشوش وراها وشوش ؟!!
فـ دنيا عديمة الفايدة !
مفيش فايدة
عيون لايدة ..
ومش شايفة ..
لأحلامها ..
مرسى وبر !
جيوب زايدة ..
لكن خايفة ..
وأصحابها ..
ملوك الشر !!
وليهم دهر
وأخرتهم ..
فـ أضيق قبر !
ونوح وأنين
ومين يدرى ويفهم مين ؟
وفين هي قلوب الناس ؟!
وفين الطيبة والإحساس ؟!!
وفين الرضا ؟!!!
دى هي كده ..
مجرد حياه ..
يا رب النجاه
دى هي كده ..
مجرد قصة ..
ما بين مناقصة ..
وبين مزايدة !
مفيش فايدة