كل دقايق حبك عدّوا...
إلا دقيقه ..
هيّه الفيصل بينى ...وبينك..
يعنى عواصف أو براكين..
يعنى بحور فايضه الشطين...
يعنى ...طوفان...!!
يعنى نهاية عالم حاضر..
عالم متكتف ..مش قادر...
يكشف رؤيه ..ويدّى حقيقه..
هيّه دقيقه الفيصل بينّا..
لازم نعبر عجزى وعجزك..
......لازم نفهم......
إن مرايا العالم كدب..
وإن دقيقه ف مصر حقيقه ..!!
تحت حجابى دموع مصريه...
عاشقه الساقيه ..وعاشقه التوته..
تحت حجابى ملامح ريف ...
ومدقات لمدينه نبيّه...!!
تحت حجابى عقيدة رب ...
فطرتها ف أخلاقى ودينى ..
يعنى ف أزلى سمعت الرب..
وشهدت إنه إلهى... ودينى..!
فإن كان تكوينك ..غير تكوينى ..
فطرة ربى النايمه ف قلبى ...
رافضه ف عقلك...جهل عقيدتك..
رافضه تكون التابعه لأمرك..
رافضه تهاودك...
رافضه تكون زيك مسحورة...
للفرعون الواقف دايما بينى ..وبينك..!!
هيّه دقيقه ....
يا تصنّع فيها الفاس وتكسّر...
......... أصنام آزر ......!!
يا تحلّ شريعة الله الرابطه
ما بينى وبينك ...!!!
..........................................
قصيدة \ إلا دقيقه ...
من ديوانى الأول..
إيزيس غانم ...