من وقتها 
بامارس شوقى وياكى 
على الأوراق
واحدد فى الورق إسمك
على ورداية مرسومة 
تخبى سطورى فى الأشواق
ولسة النظرة فى عيونى 
بتنده لك ... وتشتاق لك
حوار ساخن 
صريح جداً 
بدون كلمات 
وبالنظرة 
دخلتى القلب وسكنتى 
وسبتك ...راضى أو مرغم 
ما نيش عارف
وشايفك جوة جوايا
بتتمدد آهات شوقك
وتستهوينى 
دقات قلبك المجنون
وتؤمر قلبى 
كن ..........فيكون
واسيبك تستبيحى الذات
حوار مشتاق بلا كلمات
لا سامع غير نغم قلبى 
ولا شايف غير الصورة اللى 
مرسومة على ضلوعى 
تلونها حروف الهمس محسوسة
وكلمة شوق 
فى وسط السطر ..مدسوسة
بتملك قلبى وتروح لك
فتتجاهلى 
تغمضى عين 
وتفتحى عين على حبى
وتانى تعيدى كلماتك 
حوار صامت ..بلا كلمات
كتير لما بنتقابل 
كأنها صدفة 
مش مقصودة بالمواعيد
كتير نرسم ليالى هناك 
هتجمعنا
وطرحة وتزويقة فستان
بورد الشوق وتنهيدة
وفرحة تفوق عيون أطفال 
بتلمع نور
ومسك بخور 
فى ليلة عيد
وكل ما فينا يتكلم 
ونسمع صوتنا ونسلم
ورعشة إيدك التانية 
تغير من إيدك 
اللى حاضنة كفى بتسلم
وكل كلامنا 
دق قلوبنا صوت عالى
وكلمة تشق 
صمت الشوق ...
وحشتينى 
فى نفس اللحظة 
قلتيها .....بحبك موووووت
حوار خارج حدود الذات 
.................
بـــقـــلـــــــــــم ا لــــشــــــــا عـــــــر 
أ بـــو عـــمـــــا ر ا لــــمــــصــــــــر ى