عارفة إنى قولت زمان
هأقدر على النسيان
هأمشى وأكيد حُبك
هيكون كأنه ما كان
أيام تجيب أيام
برضك بفكر فيك
لا انا قادرة ع النسيان
ولا قادرة أرجع ليك
بالعفو والغفران
.................... عارفة إنى قولت زمان
أنوى وأقول هأقوى
وأستقوى ع الذكرى
اللى إتبنت وياك
ألقى الفؤاد يرفض
يقبل بِدى الفكرة
والقى الدموع فاكراك
والقلب ليك سهران
أيام تجيب أيام
برضك بفكر فيك
لا انا قادرة ع النسيان
ولا قادرة أرجع ليك
بالعفو والغفران
................... عارفة إنى قولت زمان
عارفة إنى كنت معاك
حُبك معذبنى 
ووعدت نفسى هواك
هيسيبنى هيسيبنى
أيام تجيب أيام
مهما الفؤاد يناديك
ظلم الفؤاد أهون
من إنى أرجع ليك
وتعودلى زى زمان
# كيمو #