حسبوها ولاد اللعيبة
وسابولنا الخيبة أم نويبة
يا شباب الدولة المتعلم
عملولكوا نقابة ضرّيبة
يا شباب الدولة المنصورة
والأصل بيهرب م الصورة
الدنيا دى أكبر فزورة
والحل ف عقل الشرّيبة
الدنيا بتعرف ألاعيبنا
وتمللى بتعرف تلاعيبنا
يا بلادي وحبك بقي عيبنا
فليسقط زمن الحبيبة
يا بلادي تنامى وتسترخي
دي همومك بتزود شرخي
وتعالى على قبري وش....
لو كنت اجيلك ف نصيبة
وتعالى نحزر ونفزر
ونعيش اللحظة ونهزر
يا زمالة تقدّر تتقدر
ولا عمر الفقر يكون عيبه
وقالولك ثورة عربية
وحضارة وفكر وحرية
عند أمك يابن المخفية
اتنيل واسكت بلا خيبة
حسبوها ولاد اللعيبة
وسابولنا الخيبة أم نويبة
يا شباب الدولة يا متعلم
عملولكوا نقابة ضرّيبة