بحلم اشوفها وادعى ربنا فيها
بحلم بامة محمد خيرها يكفيها
بحلم بساعة انول الرضا فيها
بحلم بقلب يحب الخلق ويكفيها
بحلم بنور فى السما على
امة محمد ينور لياليها
بحلم بارض العروبة البسمه تملى اراضيها
بحلم بيوم القدس يعلى الاذان فيها
بتمنى اشوف العراق حره فى اراضيها
بتمنى اشوف سوريا اهلها فيها
بتمنى اليمن نورها مغطيها
بتمنى القبايل فى ليبيا تحفظ اراضيها
بدعى بقلب انجرح لامتى سكن الظلام فيها
يارب احمى شباب الوطن وامحى الشرور فيها
وحد صفوف العرب مالكبوه عديها
وانسج خيوط الامل بالحب ناديها
من قلب مصرى عليت صرخته فيها
هز جدار الصمت قام يصحيها
وجه عنيه للسما والدمع ماليها
يارب امة محمد احفظها وارعاها
بحق ليلة القدر تنحر اعاديها
وبنورك يارب فى السما تغطيها
بحبك يارب وانا قلبى لما انفطر
علشان بحب الوطن بتمنى ساعة رضى
على كل ارض الوطن نورك يزيد فيها