ضحكوا علينا الصهاينة
بالحرية وبالتغيير
ولو غيرنا حكامنا
هما هيسمحولنا نطير
والدنيا تضحك لنا
وهتفرق معانا كتير
أتاريهم بايدينا دمرونا
واحنا طلعنا حمير
وشبابنا جرى ورا الشهرة
ومنهم اللى حبوا المال
واللى اتدربوا على السلاح
وقالوا علية دا نضال
ومنهم اللى باع الوطن
بدولار ونصف ريال
واللى فى حضن ماما
واشتغل وراها طبال
ومنهم اللى رقص
وأتشعلق على الأحبال
ومنهم اللى ربى دقنه
وجلبية وتحتها سروال
وقال الله ورسولة
وطلع فى النهاية محتال
ومنهم اللى ملوا الشاشات
وقالوا أحنا ثوريين
أحنا اللى عملنا الثورة
وأتملت بنا الميادين
ومن حقنا كرسى الرئاسة
والا هتبقى عشيتوا طين
عاوزينها حكم اسلامى
وقدامنا طلعوا كدابين
وضاعت سوريا وأتشردوا
معظم أهلها المساكين
وقضوا على جيشها العظيم
وناسها اتقسموا لفريقين
ونفس الحال فى اليمن
والحرب على السلطة
ونفس الحال فى ليبيا
بيعدلوا الخارطة
وتجرى على لبنان
تلقاهم متورطين وارطة
وفى غزة وفى فلسطين
تلقى الصباح كاشش
ونفس الحال فى العراق
والحرب على داعش
وتنزل دموعى نار
على أخوتنا فى الصومال
ولا فى تونس الحبيبة
لسا العراك شغال
معقولة دولا العرب
أصل الحضارة يا ناس
هرب الدم من عروقهم
وبقوا نعال تنداس
راح فين الدماغ العربى
اللى جدورة ليها أساس
وعلم العالم كلة
على الورقة والكراس
كل العلوم والحساب
ولسا بيطاطى على
أى ايدين تنباس
-------------------
المقصود : وطلعنا أحنا حمير – ان الغرب أستخدمونا كما جاء فى كتاب الله وفى قولة –وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لاَ تَعْلَمُونَ– صدق الله العظيم