اوع تجرب لحظة تفكر
انى فى يوم راح اجرى واراك
اصل الجو ما بينا اتعكر
وانت قالبها يوماتى عراك
--------------------------
كنت بحبك لأ لأ اكتر
كنت فى عينى ساعتها ملاك
انما غدرك سهمة كان اكبر
صابنى نسيت ان انا بهواك
------------------------------
عمر الحب ما كان بالغيرة
وتعيش حيره صبح مساك
عمره ما كان عايز تاشيرة
علشان اعلن حبى معاك
----------------------------
كنت فى قلبى اجمل سيره
سيبت الجيرة ورحت هناك
وانا بكرامتى عندى كبيرة
هادوس على قلبى يوم وانساك
---------------------------------
ولسه بتعند زيد فى عنادك
لو هتبيع انا بعت معاك
عايز تبعد طوول فى بعادك
اوعى تفكر هاستناك
-----------------------
كنت اتمنى يوم اسعادك
وانتِ غرورك كله هلاك
كنت احسب بالثانية معادك
كنت افرح ساعة رؤياك
--------------------------
كنت وكنت كانت ايام
باقى شريط فىه بواقى ذكراك
مرات اشوفه قبل ما انام
وكتير انسى ومش فكراك
---------------------------
حتى الذكرى الحلوه نسيتها
ومشاعرى ما عاد فيها حراك
لا عاد قلبى يجيب فى سيرتها
ولا حاسس ان انا بهواك
-----------------------------
علشان أسى هافضل ناسى
اصل نسيت انا كنت معاك
عايز ترجع شوف احساسى
يا هاقولك انا مش عايزاك
--------------------------------
اصل شربت المر فى كاسى
ما دقتش مرة فىه طعم حلاك
نفسى انساه يخرج من راسى
نفسى احلم ان انت ملاك
-------------------------------
لو جاى بغرورك تانى
اسانى ياعم وسيبنى انساك
عمر الحب ما عاش مع آسوه
وعمر العشرة ما كات بعراك
عمر العشرة ما كات بعراك
==============