يا ريتك  يا حلم تطول  ..

..............................

يا  ريتك  يا حلم تطول 

وترجع هناه ما الأول 

فين قلبه اللي كان بيهون 

وبتحلا  الحياه  ..

قالوللي  ده  سابك راح

خد وقته وعاش أفراح 

ياما  صادت شباكه قلوب 

ياما دبليت ورود  وغصون

ودواها  الندى  ..

ليه فاتني في ألم  وجراح 

والقلب في بكا  ونواح 

 لا  خلا  العيون ترتاح 

والبيت اللي كان أفراح 

بقى ساكنه الألم  ..

عالصبر يا ناس دلوني 

لأتكحل وحني جفوني

وأنسى اللي راح وفاتوني 

وسايب  لي الضباب

 تستاهل يا قلبي ما جالك

بسببك جرا اللي جرالك

هنيته وتحرم حالك 

تسقيه  والعطش على بابك 

لا تسأل غرام وجدانك 

وإحساسه ليه  تاه

كده عايش حلاوه روح 

تبات كل يوم  مدبوح

ترفرف وفين هتروح 

ما قلبك  نساه  ..

يا ريتك يا حلم تطول 

وأنسى إنه جاه  من الأول

وتحلالي  الحياه  ..

بقلم  ..  صبري رسلان