شهادة وفاه
===
والإسم أنا سامح
طول عمرى متسامح
كده أو كده رايح
ياللى ظلمتك يوم
أمانه لتسامح
===
أجلى خلاص إنقضى
والعمر ولى ومضى
===
راكب ونعشى خشب
فايت قصور من دهب
وإللى جمعته حرام
سبته فى لحظه وذهب
هو الكفن ياناس
بيتنسج من دهب
===
الكل يوم زايل
وللذنوب شايل
على ضهرنا حمايل
===
يوم القيامه كروب
فيها الميزان منصوب
كل العمل مكتوب
الكل هيحمل
ضهرى تلال وذنوب
مامنهاش مهروب
ياعم خد لك عظه
ونفذ المطلوب
ياللا بسرعه وتوب
رد المظالم للخلايق
دا كلها محسوب
دى رحلتك دنيا
مترقعه بعيوب
وإللى كنزته حرام
هتدوقه جمر وشوب
بكره هتلبس كفن
من غير نفوذ وجيوب
=====
بقلمى سامح توكل أبوالسبح
