آه يا بلد
ياللى غطاك عرى وضمتك موت
ياللى نداكى عالولد روح تتجلد وعالغريب صوت
ياللى هواكى جوه صدرى عنكبوت
اكره بيوت ميهدهاش غير أهلها....
واعشق بيوت
بتفوت وتسكن جوه قلبى سكوت
مستنى يوم ينطق ولو فتافيت
آه يا بلد
يامدوبه عرق الغلابه فطين
ومشيبه شعر الليالى أنين
مجنون حزين
مين يطلب الراحه على اديكى
ويحط راسه جوه صدرك فين
مليون حزين حطين......أنا آسف ده مية مليون
والصدر اصله فالحقيقه اتنين
سكين بيدبح والادين اخطبوط
آه يا بلد
يللى حكمكى المطرقه والسنديان
يللى بيوتك كلها من غير ببان
متعيش جبان
كل الصور لما تغمضها تبان
كل الحروف من غير ما تنطقها بيان
علشان تعيش جوه بلاد المطرقه والسنديان
كن ألعبان غلبان
والكل فالحالتين جبان
آه يا بلد
رغم الجسد مزروع رفات
حلم الحزين
رغم السكات
طابق على أنفاس جميع الامنيات
راشق خيوطه فالسنين
رغم الانين
نابت على الطرقات آهات
مستحملين
مستنيين لو حتى مين
يمسح دموع الغلبنين الشقينين التعبنين
مستحملين......................مستنيين
لو حتى مين
ساحة النقاش