درب الوجع
ايه رأيكم لو تنزلوا درب الوجع
الناس هناك قلوبها صافية زي الودع
ايه رأيكم لو تروحوا وتتعلموا
معني الوفا في اي بنت او جدع
الناس هناك متقسمة بين الشقا
وبين السجع
مافيش طمع ولافيش جشع
الناس بسيطة روحوا ياللا اتعلموا
ياهل الفجع
بكرة خيطكم لو اتقطع
هيفيد بأيه لو تندموا
دم الغلابة ال اترضع
عقابة ايه لو تعلموا
يعني ايه ضهرة انجذع
وبسببكوا اتيتموا
ولا مرة خاف من الفزع
ولا مرة يوم اتبسموا
مات الجدع
وانتوا لسة بترسموا
وتقسموا
قلبي فيكم انخدع
ايه رأيكم لو تنزلو درب الوجع
الناس هناك قلوبها صافية زي الودع
