أشتياق..... 

و أحتياج .... 
و روح مخنوقه مش طالعه 
و عين محبوس فيها الدمعه 
و ناس للشكوا مش سامعه 
و قلب حزين ... 
بقاله سنين 
بيدور علي ناس تايهين 
و أتنين عاشقين 
ما بينهم حضن كله حنين 
و طفل يدور علي امه 
وهي نفسها تضمه ... 
و ناس تانيين 
في دوامه .. 
و مش عايشين ... 
و ناس ع المر كده صابرين 
و ناس للمر مش لاقيين 
الدنيا سوق ..
تعالي و دوق .. 
و ناس غفلانه مش بتفوق 
و شرب حشيش ... 
و ناس دراويش 
مدد مدد مدد
و ناس ما بتصليش 
و أمن و دوله 
جنود و شاويش 
و حكم الجيش 
و شرطيين 
وضرب النار 
علي الثوار .. 
و ناس أحرار 
و سمع و طاعه 
نور و جماعة 
و سلفيين ... 
و أحزاب و خراب 
قالوا وطنيين .. 
و سياسيين .... 
و قانونيين .... 
و أعلاميين .... 
و وصمة عار .. 
و شجب و ماس 
و مختل عقليا 
يطلع يدين ... 
و مرض لعين 
لا طب نافع 
ولا عطارين ... 
و تفريق للمسلمين 
حتي العروبه تستغيث 
من بغداد إلي

فلسطين ....