كلام أشواق

وانتى الماضى والحاضر
وبكرا اللى بيضحك لى
وانتى الروح ياروح الروح
تعالى يافرحتى هللى
تعالى خدينى لعيونك
أنا فى العشق مجنونك
بدوق الويل ، وسهر الليل
واقول معقول
أنا أخطر على ظنونك؟
يازادى وصحبتى وأهلى
لروحى وعمرى تستاهلى
أنا تعبان
أنا حيران
شريدفى البعدوالحرمان
ولاقادرأكون فرحان
ولاقادرأكون زعلان
وتيجى الفرحة لياازاى؟
وإنتى غايبةعن عينى؟
يالهفة قلبى وسنينى
وأزعل ليه؟
وحبك وافى لحنينى
فى بردالليل يدفينى
وفى الحرة يطفينى
لربى بدعى وبصلى
تجينى ف ساعة وتهللى
وأفرش لك رموش العين
تخطى عليها سجادة
ياسكر عالى بزيادة
ومن شوقى هروح على فين ؟
إيديكى الحلوة واحشانى
يابلسم روحى وزمانى
أبيع عمرى عشان أطولها
وأتغزل فى تفاصيلها
وتيجى شفايفى 
تحكى لها
عن الأشواق
عن اللوعة
وابوس
وأسمى ع الروعة
واشيلها تزور
جفاف خدى
ومين فى الدنيا دى قدى؟
واخبيكى فى أحضانى
يموت حزنى وأشجانى
واعيد الكرة من تانى
وازور عطشك بأشواقى
واخضر عمرنا الباقى
جناين حب وتلاقى
يا واخدانى بعيد عنى
متيجى لقلبى وتحنى
وحهديكى 
جنون فنى
تعيشى بيه
وتتهنى
@@@@@@@@@@@

طهر الأحد ١٨/٧/٢٠١٥ ١.٠٥ م