ماعرفش اقول كلام مرصوص كلغة عربية 

ال بيطلع مني بقوله وبقوله بعفوية 
فمتستناش مني اصنعلك كلام 
عطن بحروف مستحية 
انا ف كلامي طبيعي وخلاصة الادوية
عن بنت جميلة شرقية 
عن فلاحة بخطاوي ريفية 
عن الغلابة الاغلبية 
وانا وهي 
في البحر انا مركب وهي معدية 
نوصل علي ضفة مايلة ممكن 
وممكن ضفة عدلة لو احنا سواسية 
انا ف كلامي شرقي 
ومخلص قوي لورقي 
وبيا 
لنفسي بقول شعري وليا
مع شوية تهوية 
لا هطبع انا ديوان ولا منتظر مصنعية
ولا انا مدرس لغة عربية 
انا روح 
حيالله انا بكتب واشعاري عادية 
مهياش اشعار فولازية