لما نكتب للاسف    

.. يبقى كان فين الغلاوه ..

اولى بقلمي يتقصف ..

ولا انه يوم يبدي العداوة ..

ده انتي كنتي لينا الهنا ..

ده انتي الهناوه ..

قلب نابض قلب طاير بجناحين .

ونبع فايض .. لكنه فايد كل الخلايق ..

الا عندي معرفش حتى كنت فين ..

وتفوت سنين .. هتفوت سنين وهنبقى فكره ..

وهنبقى ذكرى .. حلوه كانت ولا وحشه ..

المهم انك مش معايا ..

ولا بتسدد خطايا ولا بتدعيلي لما اكون في محنه

ونقول كفايه .. وكأننا شبعنا خلاص ..

هي الصداقه ليها حد .. ليها وقت ..

ينتهي ونقول خلاص .. طب خلاص ..

روحي وسيبي كل حاجه جبتهالك ..

سيبي المحبه والاخلاص ..

سيبي حتى لهفتي لما كنتي تغيبي ..

وفي كل حته كنت اسأل فين حبيبي ..

ولما فارس يسأل يقول فين عمتو ..

ودموعه تملى مخدتو ..

ابقى قولي للاسف كان فيه غلاوة