___ شوفتها من أيام ___

كلمات / محمد السعيد

*********************
شوفتها من أيام
ورجعت بيا السنين
صحت فيا الأحلام
وخدني ليها الحنين

ونسيت اني بقيت مع غيرها خلاص 
ماقدرت اتمالك نفسي من الاحساس
عيونها نادوني وقلبي كان حساس
ونسيت احنا وصلنا لفين

هيه حب معلم فيا
ذكرى صعب نسيانها
برغم بعد مكانها
حلمت اوصلها
هيه فرحة طالت بيا
وراحت عني وغابت
وبيني وبينها رابط
ولسه ما انتهى

انا شوفت جوا عينيها
نظرة ألم وعتاب
ماقدرتش ع الجواب
وبصيت جنب مني
أنا دلوقتي مش ليها
وهيه مابقتش ليا
و حقيقه مأثره فيا
إنها بعدت عني

ونسيت إني بقيت مع غيرها خلاص 
ماقدرت اتمالك نفسي من الاحساس
عيونها نادوني وقلبي كان حساس
ونسيت احنا وصلنا لفين