محاوره بين متزوج وعازب بمناسبة زفاف صديق لنا
........................
أهنى من قلبى وجوارحى كمان
عريس ليلتنا الخفافى صدقنا المنصان
سرورى زدا لما لقيته ساب العزاب
وقال خلاص أنا ح أتجوز يكفانى عذاب
شاف الجواز نعمه وراحه وسرور وهناء
وكل واحد له زوجه ما يشوفش عناء
خطبوا له بعد عناء وعذاب ما أعرفش إزاى
كانت راحه تنشف دمه من شرب الشاى
فضل الجواز دا كبير خالص يالله يا شبان
على الجواز إسعوا وإجروا وإخزوا الشيطان
.... عازب...........
بكلمه واحده من فضلك إسمح لى يا أخ
يعنى إنت عاوز شبابنا يقع فى الفخ
إزاى تقول المتجوز بيعيش مرتاح
لازم جنابك بتقوز وتقول بمزاح
لإن محسوبك عازب وف راحه تمام
ما يشوفها واحد متجوز ولا فى الأحلام
فايق ورايق ما ورهش شئ م الطلبات
ومستريح من قولت أنا عاوزه وهات
ملوش حما بتقول لبتها عاوزين وجيب
ولا ست تمسك فى خناقه إذا كانش يجيب
........ المتزوج .....
برزق زوجتك وعيالك ما نتش ملزوم
المولى ما بينساش خلقه ما تشيلش هموم
العازب..............
على كل حاجه برضه العازب ما فى حمل عليه
متزوج ..............
وليلاتى لما ينام وحده تستاهل إيه؟
ينام فريد للصبحيه ما معهش ونيس
وتحت دش الحنفيه يلعن إبليس
من يوم جوازى وأنا ف راحه وسرورى يذيد
من كل شئ إرتاح بالى وبزوجتى سعيد
عازب ..............
إن كنت إنت اللى ف راحه غيرك محتار
تملى بيسب ويسخط ويقول دا مرار
متزوج ...........
هو المسيطر على بيته والسب دا ليه
مدام محسن أخلاقه راح يحصل إيه
عازب
جايز تكون هى عنيده فاسده الأخلاق
من فعلها يرمى عليها ميت ألف طلاق
متزوج ...........
تتعلم الأخلاق منه لو هوه نبيه
أما الطلاق دا ما هوش لعبه رح يحلف بيه
عازب............
وغير كده أسباب مانعه بعض الشبان
من الجواز إنت عارفها ودارسها كمان
متزوج ............
إيه الى مانع شبابنا ما تقولى أمال
عازب ............
مانعهم المهر الغالى ووقوف الحال
القرش أصبح له عوزه والأصل مالوش
واحد أصيل وفقير حبه ما يجوزهوش
متزوج ..............
فيه ناس كتير لما بتدور على كتر المال
وعايزه ناس من المعروفه بالأصل العال
وناس كتير ع العزوبيه دائما ساخطين
عارفه السعاده الزوجيه بتم الدين
عازب.............
بتتم طبعا انا عارف إنما فيه ناس
مزعلينى فى حاجه ثانيه
متزوج
قوللى ما فيش بأس
عازب..........
بيصرفوا مصروف هايل ولا لهش لزوم
وع العريس المصروف دا لهو كان ملزوم
عاوزيين مغنيات لازم ومغنيين ورقصات
تلقى الستات والرجاله جوه القاعات
وحاجات كتير اللى تفرتك ألف مراره
لكل غيور على دينه وعنده حراره
متزوج ............
ربك يجازى اللى بيعمل شئ مش محمود
أما الجواز فرض علينا فرضه المعبود
إسمع نصحتى وإتجوز حالا ع طول
تفوز بزريه وجنه المعبود
عازب..........
دا كلام معقول
يصح يا عزب نخطب فى بنات اليوم
دى البنت تفرح لوجوها عرسان بالكوم
وإبن الحلال قلبه يدله على بنت حلال
لو ع الجواز من شبابنا يحصل إقبال
