(((( خسارة يا عرب ))))
وينكم يا عرب وينكم
شهامتكم راحت وين
وين أيام العزة و الكرامة
ليه غابت عنكم سنين
مين غير عليكم حالكم
وصار دمعكم مالي العين
تفرقتوا من بعد وحدتكم
حسافة عليكم نايمين
فين قوتكم يا عرب راحت
فين دهاءكم اللي يعين
سنين عليكم مرت قوام
وكل جسد مطعون بسكين
خسارة يا عرب خسارة
لونكم صار حزين
عيونكم ملاها الدمع
والقلب مليان أنين
كنتم أحفاد الصحابة
كنتم أحفاد الفاتحين
مين بدل قيمكم
مين خلاكم خانعين
يرحم أيام جدودكم
أهل النخوة الصالحين
عدى علينا العمر وفات
وصارت أراضينا فلسطين
أرضكم يا عرب بتتمزع
وإنتم للأسف شاهدين
اليوم على ظلم أعداءكم
سامعين الإهانات وساكتين
كل ما أقول قربت تفرج
ألقى حالنا صار حزين
ملايين من البشر عرب
لكن خسارة بس ملايين
العمر صابة العطب
وحال العرب بوشين
أرضنا العربية بتنتهب
وإنتم بأحوالكم ملهيين
اللي ضرب قد ضرب
يا عرب كثرة السكاكين
ليه بتتركوا أوطانكم
للصوص و للمجرمين
وين شجاعتكم و عزيمتكم
أيام حماة الأرض و الدين
خسارة تكون دي نهايتكم
والأعداء حولكم ملتفين
ليتكم تتناسوا مصالحكم
وترجعوا لبعض متوحدين
خايف يعدي الوقت عليكم
و عن أرضكم مشغولين
من عاش بلا أرضه
ذلته الكلاب بكل يقين
أرضكم يا عرب عرضكم
وراح يفهم كلامي العاقلين
وينكم يا عرب وينكم
حولكم القتلة جايين
ليتكم تصحوا من غفوتكم
قبل الحر يصبح عبد للعين
صائغ القوافي الشاعر
فهد بن عبدالله الصويغ
31-10-2019
