(((دعوه للأمل )))
أنت ياعم يالى بتكتب
كلام ينكد عليك وعلينا
ونازل ندب ولطم
طلعت بكلامك روح أهالينا
صورت الدنيا سوده ف عنيك
وسودتها كمان ف عينينا
مش شايف أى أمل ف آخر النفق
طب قول لى أيه العمل
كل كلامكم واحد نفس المعنى
يجيب اليأس ويصيب العالم بالشلل
أنت عايش ليه روح أندفن بالحيا
دا الحياه ف حد ذاتها نعمه وأمل
لازم تشكر عليها اللى وهبهالك بدون كلل
يا أخى أرضى بحظك وأنقذ نفسك م الذلل
وجدد عهدك كلك عيوب لازم تنستر
م تخليش وجودك ف الحياه
زى عدمه ولا يوم فرق بدون أثر
نجى نفسك من الهلاك ومن الغرق
وأطرح أمل خلى الجروح تخف وتقدر تحتمل
وبنعترف بالخلل عايز علاج وعقل يكون فنن
مش عقل خايب خبل مدفون تحت القدر
أصحى وفوق وأرمى التحيه للعلم
كلمات/محمود صلاح السيد 31/10/2019
