(((( مش حتقدر ))))

حتروح من قلبي فين

دا الكون جوه قلبي 

لو رحت شمال ويمين

ضروري على قلبي تعدي 

مدام حبيتك خلاص

مفيش مني هروب

دا حبي هو الإخلاص 

وعليك بقى مكتوب

مش حتقدر تتنازل عني

ولا حتقدر يوم تنساني

لو قدرت يوم تزعلني

جواك يا قلبي حتلقاني 

أنا حبي غير الناس

محدش يقدر عليه

حب حقيقي بإحساس

بينور للقمر لياليه 

لو فكرت تكون أناني 

حتلاقيني قصاد عينيك

مش حتقدر أبدآ تنساني 

ولو نسيتك حيشمتوا فيك

أنا زي الدنيا دايمآ بأختار

وحقي بأقدر أجيبه 

عمري ماكنت يوم بأحتار

والكون عارفه ألاعيبه 

حتحبني ححبك أكتر 

وحخليك شمس دنيتي

عايز تهجر ماشي أهجر

ماهي الدنيا برضه لعبتي 

صائغ القوافي الشاعر 

فهد بن عبدالله الصويغ 

1-11-2019