عن لسان كل بنت اتغدر بيها
بتوحشني
بِتوحَشني
وقَالوا انّك بِعِدتْ خَلاص
وقَالوا اني مَاليش إحسَاس
عَشَان فَكرَاك
وبافتكرَك وببقَى مَعاك
ومَهمَا تغِيب
أقُول دَه حَبيب مَالِيش غِيرُه
بَاقول دَه سْحاب وانَا طِيره
واقُول دَه كُلّ شيء عَندِي
بَاكُون سَنْدَاكْ
تكُون انت واقف ضِدّي
وِبافتكِر اللّي كَان بينّا
وكُلّ كلمة قالهَالي لسان كَدّابْ
وبسّ إزّاي
تكُون أنتَ اللي جوّايا
ونتْعَامِل ولَا الأَغرَاب
وليه تغدُر وليه تقسى
عَلَى قلبي
أَتَاري حُبّي ليك انتَ
دَه كَان ذنبي
أمانة عَليك كفايه غيابْ
ده عُمر ما قلبي كان كدّابْ
ده انا عايشه عشان حُبّكْ
و كان حُبّك جِراح وعذاب
انَا الكدّابه والخاينه
وانا البَايعَاك بأرخَص سِعرْ
وانا اللي نسيت في يوم أنت
فيه كان قلبك سنين العُمرْ
أنَا اللي نسيت دمُوع قلبي فِ عِزّ الليلْ
وانَا اللي خَدَعت إحساسي وقلت انّك مَلَكش بديلْ
وانَا اللي عُمر مَا لسَاني يُقُولَك لأ
وانَا البنت اللي صَدّقتك
وقلبي صدّق انه بجد قلبَك دَقّ
وانا اللي لسّا مَاوقِفتِش قُصاد أهلي
وكنت بَابيع
واجيلَك وقت ماغدرَك بيندَهلي
انَا الجَارحة
وعارفه انّك برئ ومَلَاكْ
أنَا الخاينَه وما صُنت الحياة ويّاك
وانا اللي جراحي ما جَفّت علي خَدي
وانا اللي بجدّ حبّيتك
وقلت انّ انت جَاي خلاص تعوّضني
أتَاري الجرح كان طبعَك
عرفت بجد توجعني وتجرحني
ويؤسفني
أقُول انك بتوحَشني
#بتوحشني
- #مؤمن_عزالدين -
