#ناس_و_ناس
مبقتش عارف الصح فين
مبقتش عارف الصح مين
ناس تقول الطيبه فيهم
و أنت لعبه بين أيديهم
يبيعوا فيك و تشتريهم
و تقول عليهم طيبين
و ناس ليها الف وش
ليها ف كل سكه عش
عش تقوي و عش غش
بوشين ... بوشين
و ناس تصلي بدون أمام
و ناس بتآكل ب الكلام
و ناس تقول تمام تمام
فيهم عينين و مغمضين
و ناس عقارب و ناس تحارب
شبعت م الدنيا تجارب
و ناس بتركب اي قارب
مش مهم راحه فين
و ناس كئيبه و ناس غريبه
و ناس تبان م الطيبه خيبه
و ناس فيها الف عيبه
و فوق الراس متشالين
سيد صادق
