صباحكم حب وموده
===
انت ملاك بشكل انسانه
معقول خلقه هيك خلقانه
فيك مكمل ربنا الاوصاف
سحره جمالك ما اله ثاني
جبينك منور كالبدر شفاف
وعيون احلى عيون غزلاني
منها السحر يا فاتنه بيخاف
ومن الكحل ع جفون نعسانه
حير الميل وقال يا الطاف
ورموش مثل سيوف رنانه
تذبح لكل من شاهدك او شاف
وشعرك مثل شلال رباني
مفرود بهفهف على الاكتاف
وخدود كالتفاح حليانه
شفافك حمر ما في مثلها شفاف
تسكر بلا خمر وبلا قناني
من دون شك ومن عدا اجحاف
اطيب كرز حالي على لساني
وضحكه مثل عطر الورد هفهاف
بتشيل عن هالقلب احزاني
ولما خيالي بوصف كرمك طاف
رمان كرمك حلو لفاني
بقول دونك من ورا النفناف
والقد مايس يا غصن بان=ي
والخصر بتمايل مثل صفصاف
بلبل بيتمايل ع رمانه
هالكرم لوح صار بده قطاف
وقلوب تشعل نار ولعانه
بصار ما بدها ولا عراف
بتصدقو من غير حلفان=ي
وتا قول حق واشهد بانصاف
من دون لف وكذب يا خواني
بترك صلاته والديانه عاف
لو شيخ شافك الف غناني
ومثله انا تمردت ع الاعراف
ساعة ما شفتك هيك حرزانه
وشاعر غزل هالحسن خلاني
=== محمود شبيب ===
