<!--<!--<!--
من قانا الى بطرس غالى
قانا دى حانة
سكروا فيها
خرجوا عيونهم فيها شرار
شافوا الناس قاعدين ساكتين
رقصوا بالنار
دبحوا ف بطن الأم عيالها
وباعوا أبوهم للسمسار
لكن صاحب الحانة عنيف
ماتركهمش
عايز ياخد باقى حسابه
من المساطيل المسيو مخالى
قـانـا شالت بطرس غالـى
***********************
وكلينتون أصبح جمهورى
وديمقراطى ف قلب واشنطن
ومعانا بفكره الليبرالي
وبرايت باسم الخارجية
ف الأمم المتحدة تغنى
وبتمنع رجع الموالِ
قـانـا شالت بطرس غالـى
***********************
مهما بقيتى لوحدك عظمى
ليفى كوهين رابطك ف الخيط
من عنده وبيحرك فيكى
وبقيتى ياحلوه ماريونيت
خيطك باين للجمهور
ومش مكسوفة
ونزعتى حبال الغربال
قـانـا شالت بطرس غالـى
***********************
هيستدروت قاعد متربص
بيحرك ف جيوش أمريكا
ومجهز أسطوله السادس
وف ايده ريموت التكتيكا
الى يعاكسه
يستعمل ليه الأستيكة
لكن شاف الهرم المصرى
واقف ليه وف ايده مسلة
وقاله دى هيئة
المفروض ودا ف الأحلام
أنها تبقى أبية عفية
وأنت عايزها تبقى تكية
سدوا ديونكم
وأبقى أستخدم حق الفيتو
حط السينتور إيده ف جيبه
خرجت فاضية .. وقال أنا مالى
قـانـا شالت بطرس غالـى
***********************
حصة أمريكا المديونة
الفيتو عملاه ببرونة
وسفيرة من قلب شيكاغو
حاطه فوق مناخيرها لمونه
فعصرها بجبينه العالى
قـانـا شالت بطرس غالـى
***********************
روسيا وراحت
بفلوسك صبحت فتافيت
وقف العالم ضدك وأنتى
شيافاهم زى الكتاكيت
افريقيا بتسن سلاحها
وأوربا هاتبقالك ديك
يجرى وراكى وأنتى تكاكى
خبى البيضة
أصل يا كلها صفار وزلال
قـانـا شالت بطرس غالـى
***********************
أكتر من واجه ف كوارث
فى البوسنة .. ف جنوب افريقيا
أصل مشاكل كل العالم منكم لكن
الاصلاح كان كدبة مارس
وحبايبك بالجمله أهو بانوا فى الترشيح
والفيتو كان من عزالى
قـانـا شالت بطرس غالـى
***********************
مرقصتش ليهم شيكا بيكا
ولاندهتلك أنط برايت بالنهوند
ودخلت عليهم بالسيكا
شكرا للأمم المتحدة
من أفريقيا حتى أوربا
عفوا ليكى يابنت مريكا
لحم المصرى مُر وغالى
وأنتى من النوع الجمالى
قـانـا شالت بطرس غالـى
" بس خلاص "
