<!--<!--<!--
بدر 96
بيضحك ليه على المبكى
وطول عمره بدون أفعال بيتحكى
برغم انه نجح كالكود
ولكن ف العمل ساقط
بميت كحكة
ولما نقوله من ذاكر أكيد ينجح
بيشكينا لمولاهو
نِيتانياهو …. نَيتا نياهو
********************
وخايف من هجوم باليل
وخايف من طلوع البدر
ولما الصقر بيرفرف
يدب الرعب ف رُباهو
نِيتانياهو …. نَيتا نياهو
*********************
نصيحة لك لوجه الله
متبقاش كما الحفار
بيحفر من نفق لتابوت
ومن يحفر لأخوه حفرة
أكيد منها يقوم ملطوط
ويلقى خير جند الله
تقوم جيباه ودفناهو
نِيتانياهو …. نَيتا نياهو
*********************
ولما جند أكتوبر
تخطو فوق موانعكم وهرسوها
وصدقتم بأن الخط أكذوبة
وبارليفكم تبناهو
نيتانياهو …. نيتا نياهو
*********************
تخطيناه وعدينا
وخدنا ف حضننا سينا
وأصبح خطكم ذكرى
وحتى احنا نسيناهو
نِيتانياهو …. نَيتا نياهو
*********************
وأوعى تقول
بأن أحنا كدا نايمين
دا أحنا ف نومنا بنغمض ونفتح عين
فتلصص وتتبصص
ولما تشوفنا فى التمرين
تقول ياربى ها يحاربو
وهل أنت صحيح فاكر
بأن أحنا
مازلنا ف نومنا مش جاهزين
وكل عقل بيكفى
على قد الذى ربك قد اداهو
نِيتانياهو …. نَيتا نياهو
*********************
نفق مقفول بتفتحه ليه
عمل فيها أبو الفتحات
خطأ لغوى .. أبو الفتوحات
ماكان أولى بيريز يفتح
لكنه شاف على طابا
علمك مرفوع بجندارى
فحط على النفق طوبة وأخفاهو
نيتانياهو …. نيتا نياهو
*********************
ف إيدك أر .. بى .. جيه وصاروخ
وهو ف إيده طوب أخضر
ولما بتقتلو العزل
ب.. ت ت .. ب .. ا ..هـ .. وا
نِيتانياهو …. نَيتا نياهو
*********************
صلاح الدين مازال موجود
وغيره وغيره م العُظما
وأطفال الحجارة كمان
ف وقت الجد بيكونوا
كما الجلمود .. كما الطوفان
وساعة ثورة البركان
يدوّب كل من قابله بحمم حمرة
تقوم جيباه وحرقاهو
نِيتانياهو …. نَيتا نياهو
*********************
أكيد عايز بربجندا
ولولا بأن لك سنده
ومن له ضهر يابنمن
تلاقى بطنه نفخاهو
نِيتانياهو …. نَيتا نياهو
*********************
فعيزك تشترى دماغك
ويبقى الصمت أحلى سكوت
لأن المصرى كالصوان
وعزمه من الهرم كمنحوت
ومن حاول يحط المصرى ف دماغه
بيرجع كام ورا بعمرة
وراسه تّك وجعاهو
نِيتانياهو …. نَيتا نياهو
" عـام 1996 عندما أطلق نتن ياهو رئيس الوزارء ألأسرائيلى تصريحات يقول فيها ، أن مصر تستعد للحرب ، عندما شاهدوا مناورات بدر 96المرعبة لهم "
