<!--<!--<!--<!--
الشاعر
الشاعر ليله إمبارح راح مشوار
فأتخيل إن الناس قاعدين يستنوا
فقال على نفسه مهم وغاب
شدوه ضربوه لعنوه وهانوه
حطم قلمه كسر الأوزان
قطع أوراقه وقال .. يا كلاب
هزوا ديولهم مشيوا ساكتين
لكن كانت
ف وشوشهم بسمه وقول كداب
الشاعر فكر ساعة غضبه وقال
أنا لازم أكون سكينه وناب
جهز خنجر وسهام ونبال ..
وخيول لشجرة الدر وكام قباب
الشاعر قام لبس الخوزة
علق درعه وشد لجامه
وقال :
أبو زيد إتحدى زناتى خليفة
وكل الناس ساكتين
شفايفهم زى رمال الصحرا ..
فى صمت الكلمه قالتله دياب
الشاعر ساب من إيده السيف
فك الخوزة
حط الميه عشان تشرب كل خيوله
علق ع الباب
أنا شاعر لكن مش لازم
أعيش ف الأوهام
وأتحدى سراب
"بس "خلاص"
" كتبت عام 1989"
