تعلم من اين البداية ؟؟؟؟؟
وكيف يكون الاستقبال ويكون اختبار جودة الكتكوت ؟؟؟
طب انا ممكن اتعرف على مقايس جودة الكتكوت ازاى ؟؟؟
بسيطةخااااالص يلا نتابع مع بعض مع اروع مقالات مهندس عاطف عبدالدايم جزاة الله عنا وعن من يقرأ هذا المقال خير الجزاء .
ازاى اقيم جودة الكتكوت واعرف انة هيمشى معايا كويس ولا هيتعبنى ؟؟؟
هنعتبر اننا فى دراسة لمدة معينة مثلا مدة اسبوع
فلازم هتذاكر علشان توصل لدرجات كويسة اخر الاسبوع
فمثلا :-
هنقول المراحل اللى لازم نشوفها فى الكتكوت علشان نعرف نتيجة الامتحان اية
اولا اول ما الكتكوت يدخل المزرعة يعنى النظرة الاولى
لازم الاحظ الاتى :
* كتكوت غير جاف يعنى رجلية مش ناشفة تكون طرية
* التئام كامل لفتحة السرة
* ارجل خالية من الاحمرار خاصة عند المفضل
* ارجل لامعة شمعية
*خالى من العيوب الخلقية زى الكساح او منقار غير طبيعى
* ريش الجناج مش يكون طلع لان خروجة من اول يوم دليل على ان الكتكوت متاخر يعنى خارج من فترة ودا خطر جدا على تحويل الكتكوت
لو اخترت كتكوت مراعى فية المواصفات السابقة فانت نجحت فى اول اختبار اللى هو اختبار النظرة الاولى
تعالى لتانى اختبار
فحص الكتكوت بعد 5 الى 7 ساعات من نزولة
وهنا هتختار 5 كتاكيت من اماكن متفرقة من الحضانة وتقيم درجة حرارة رجل الكتكوت
لو كانت دافية تكون انت نجحت فى المرحلة دى لو كانت باردة
فهذا معناة :
* استهلاك علف اقل
* نمو اقل
* تجانس ضعيف
* ظهور سردة
*تحويل عذائى فى النهاية اقل من المطلوب
والعملية دى بتكون انك تحط رجل الكتكوت على خدك او رقبتك وتجس حرارتها
ومن هنا تعرف هل انت نجحت فى الاختبار دا ولا فشلت ولا نجحت بنسبة كم !!!
علشان تنجح فى المرحلة دى بنسبة عالية
لازم تدفى العنبر قبل وصول الكتاكيت بمدة لا تقل عن 12 ساعة الى 24 ساعة علشان الفرشة تاخد حرارتها وبالتالى الكتكوت مش يبرد منك فى الفترة دى
لو نجحت فى المرحلة دى هندخلك اخر مرحلة
وهى فحص الكتكوت بعد 24 ساعة من نزولة
وهى فحص الحوصلة
وانك لازم تلاحظ ان 95% الكتاكيت حوصلتها مليانة كدا بتكون نجحت فى المرحلة دى
طبعا لو حرارتك كويسة والرطوبة ومساحة التعليف ممكن الاختبار دا يكون قبل 24 ساعة لاكن خليها كدا علشان نضمن اعلى شغل
لو نجحت فى المرحلة دى
هتشوف نتيجة شغلك طيب ازاى؟؟؟؟
وهى معروف علميا وعمليا ان اى كتكوت لو وصل للوزن المرجو منة فى اليوم السابع تاكد ان شغلك جيد جدا وكتكوتك موصفاتة عالية والدورة هتكون جيدة جدا طبعا لو ربنا بعد عندك الامراض وسوء تركيبة العلف والرعاية وناس ربنا يهديها .
انسب الاوزان للسلالات المختلفة فى عمر اسبوع :
يعنى الكوب لازم يكون على عمر 7 ايام 165 جرام
الهبرد 142 جرام
ايزا هبرد 155
افيان 162 ممكن يقل شوية الى 158 ويكون ناجح
الروس 162 الى 168 جرام
الاربور ايكرز يكون 138 جرام وممكن يقل الى 132 ويكون كويس
لو عملت الاوزان دى فى الاسبوع الاول تكون نجحت فى الاختبار
والف مليون مبروك مقدما ودورة ناجحة بفضل الله ومشيئتة
ولا تنسونا من صالح الدعاء
دمتم بخير
المقال تجميع وتنسيق صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
جميع الحقوق محفوظة لصفحة آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر ولكن بشرط ذكر
