للمرة الثانية مع الدكتور محمد امام واليوم سيكون لقاءنا مع الايكولاى وسنتكلم عنة باستفاضة وبشمول قريبا بمشيئة الله .

النهاردة حبيت أتكلم عن حاجة مافيش دورة عدت للفراخ إلا لو ظهرت فيها .ألا وهى الإيكولاى



كتير من الناس ميعرفش انها ميكروب انتهازى موجود طبيعى فى جسم الطائر فى ورة خاملة

غير ضار ولكن لو حصل اى خلل فى جسم الطائر تصبح ميكروب مفترس .........والخلل ده

يجماعة ممكن يكون مرضى أو بيئى

المرضى : غالبا البكتيريا دى بتبقى مصحوبةبالميكوبلازما – النيوكاسل – الأى بى –

الجمبورو وكتير من الفيروسات دى ممكن تكون جاية ضعيفة ولكن النافق بيزيد قووووى من

العدوى الثانوية زى الكولاى

البيئى : زى الرياح الترابية – العفرة فى العنابر – خلل فى الحرارة والرطوبة

فترة حضانة المرض قصيرة من يوم ل يومين........الميكروب ده بيعمل تسمم دموى وبينتشر

فى الدم وبيعمل كذا حاجة منها مثلاً:

1 – أشهرهم السى أر دى ( التهاب الأكياس الهوائية وأغشية التامور فى القلب وأغشية الكبد) وبيزيد بزيادة الأمونيا وسوء تهوية العنبر

2- فى الكتاكيت بيعمل التهاب سرة وموت فجائى وده من بيض ملوث فالتفريخ وتلاقى اسهالات من أول يوم

3- التهاب فى العيون وتلاقى العنبر مغمض وعنيه وارمة وغالبا بيبقى عين وعين وبيبقى مجمع مواد صديدية لو الحالة متأخرة

4- التهاب المفاصل وهنا بيبقى شبه الميكوبلازما وبيفرقهم العزل والتصنيف

5- فى الامهات والبياض بيعمل التهاب فى المبايض وقناة البيض

التشخيص: عزل الميكروب على الأجار والماكونكى طبعاً

العلاج: اختبار حساسية

ملحوظة : فى شكل من الأشكال بتاع الكولاى بيعمل أورام زى السل كده وبيسمى

الجرانيولوما(coli granuloma)

وده بيظهر فى الأعمار الكبيرة ونادر الحدوث

التشريح : اورام مصفرة طرية فى الأمعاء ونادرة الحدوث فى الكبد

التفريق بينها وبين السل فى الطيور بالعزل المعملى

د / محمد الامام

 المقال تجميع وتنسيق صفحة 

آل سلام لتعبئة المواد الغذائية ودواجن التسمين

https://www.facebook.com/allsallamForfoodpackagingandpoultryfattening

جميع الحقوق محفوظة لصفحة آل سلام لتعبئة المواد الغذائية ودواجن التسمين 

https://www.facebook.com/allsallamForfoodpackagingandpoultryfattening

يسمح بتداول النشر ولكن بشرط ذكر

المصدر http://kenanaonline.com/mas2008