إهدى واستنى يا مصراوى

وماتقولش أصل أنا حاوى

وتهج على بلاد البترول

وتقول أعمل قرشين ... دا الزمن مش حايطول

ولا تروح على بلاد الفرنجه

وتقول أصل الكرامة هناك متصانه

دا على رأى المثل من خرج من داره اتقل مقدراه

أصبر يا صاحبي دا الصبر جميل

أصبر دا لسه فيها النيل

إزرع واحصد وكبر بلادك

بدل ماتسيبها تخرب وتهد بيوت أولادك

مالناش غيرها هى مصر

يبقى خلاص نسيبها ونخدم في بلاط القصر

عيش فيها واتهان فيها

بدل ماتهينك الغربة وبلاويها