أيها الإخوه الممتحنون
=============
اعزائى الممتحنين
سلام عليكم
أعانكم الله على ما أنتم فيه
أعلن تعاطفى الشديد معكم
فأنا أعلم كم هى أيام عصيبه
كم هى عقيمه هذى الدراسه
وكم هى شاقه هذى المذاكره
خاصه امثالنا ممن يعدون بالمذاكره
من اول الترم
ثم يطبقون قاعده تجميع المذاكره
قبل المتحان حفاظا على بركتها طبعا
ولأنى لا اؤمن بالتشاؤم ولا بالاستسلام
وأرى دائما النصف الممتلئ من الكوب
وجدت للامتحانات ايجابيات لا حصر لها
اه والله .....فهى...
:)تفجر فينا طاقات غير معهوده فنحن
نتحول بقدره قادر الى مارد مذاكره
ونذاكر الماده كلها فى يوم
هى هى الماده
اللى مكنش ليها وقت طول السنه
:)وبتركيز شديد يعنى طاقه ذهنيه جباره
:)يتولد بداخلنا طاقه هائله من التحدى
وربى لنجح مهما حصل
صحيح انامش عارف حاجة فى المنهج
بس هتشوفوا ..
اصل العمر مش بعزقه
آه على التواضع والسكينه وحسن الخلق
فنصبح اجمل ما يكون ونطلب الدعاء
من كل من نراه :
ادعولى ربنا يوفقنى السنه دى
روح يا بنى ربنا ميضعلكش تعب
لا بلاش الدعوه دى بالذات
:)الحفاظ على الوقت وبكل دقه
بعد ضياع الشهور والاسابيع
الدقيقه لها ثمن
وقبل اللجنه بخمس دقايق واقف تراجع
يا بنى اللى ذاكر ذاكر من زمان
مالكوش دعوه دول اهم 5 دقايق هما دول الخلاصه
:)توثيق الصله برب العالمين ....نصلى بكل خشوع
وخضوع وتضرع كانها صلاه مودع
وننطرح على بابه داعيين ملحيين متذللين
( نجحنى يا رب العالمين)
ناهيك انها كلها كفارات طبعا
نبيك قال حتى الشوكه يشاكها
ودى ولا قرصه عقرب
تخيل الاجر !!!!!!
اظن بعد كدة ماحدش يشتكى من الامتحانات
دى كلها خير فى خير
اؤكد لو كنا أمة ممتحنه دائما
لتغير الكثير
سلام عليكم فى ايام الخير
آيه السقا
كاتبة من مصر
