في عنيك سهر القمر و غنوته للنجوم موال......عن عاشق في روحك الحلوة داب ياما غني و قال.........يسكر من عبير الشعر لما ترقصه النسمة.....قلبه يكون بستان لو ع الشفايف تنور بسمة........وتحيي روحه أنغام الحنين في اللمسة

عن كل ده قال القمر وغني......عن قلب ماله غير قلبك بيه يتهني......لحظتها كل الدنيا صبحت جنة

إنت الحياة و العمر اللي فتح فيه ورد الربيع.......إنت نسيم الفجر يلاطف الدنيا نادي و بديع

وإزاي يا حياتي إزاي أوصفلك شوقي اللي أنا فيه

قلت في حبك مهما قلت مش لاقي وصف يليق بيه

لكن قلبي إكتفي بكلمة تنوره وتحييه.......بحبك

قد همس الشوق بين العشاق................وحبك

جنة للملهوف يلقي ما إشتهي وإشتاق.....وقربك

نغمة تاخدني بعيد علي جناح الأشواق......وفي حلاوته فاق قصص العشاق

طول ماإنت ياعمري معايا.........راح تفضل خالدة الرواية

كانت البداية لقانا...................قصة ومالهاش نهاية

غير الفرح ف سمانا................وفي قصص العشق آية

آية حبي يا غنوة في قلبي كل دقة تغنيها

قولي إيه راح تبقي حياتي لو ما كنتش يا عمري فيها

خليني أسهر وقلبي يسكر من عيونك ولياليها

في عنيك سهر القمر