يا تقول كل حاجة يا تسكت ما تتكلمش ،،جزء واحد م الحكاية مهما طال ما بيتفهمش ،،وفيه حاجات ما تتحكيش وفيه حاجات تهمهم ما تهمنيش ،،،،طبخت ايه ،، نفضت امتى ،، والزرار اللي اتقطع ،،ركبته؟؟!!! ،، وللا سبته ؟؟؟ وللا مطنشه؟؟!! ،، والستاير شلتها ،، وغسلتها ،، ونشرتها ،، كويتها وللا علقتها متكرمشة ،، : مكرمشة ،،!!! :هي الستاير ، ؟ وللا انا ،،،؟ متكرمشة متهمشة ،،،،،وللا عشان ما بشتكيش ،،اروح لآخر سطر من سطور الاهتمام ،،،تاخد عليّ ،، على ضحكتي ،،تتمادى تاني ،، وتحطني ف اخر كلام ،،، و تعاتبني : كننتي دايماً تضحكي ،،زعلانه ؟ طيب . متضحكيش ،،: طيب وحاضر ،، هابطل اضحك : لأ كمان ما تكشريش ،،: طيب وحاضر ،، بس نفسي أقولها حاجة من ضميري : لأ ما تقوليش ،،( عديها، وقومي خلصي اللي طلبته منك ،)، : صح ،،اصلها حاجة والحاجات بتكون كتيييير و حاجة واحدة ما تتفهمش ،،ما تتحكيش ، ،،
