قومي حالا نطي الحبل ، مفيش حبل ، اخلعي حبل الغسيل من البلكونة يللا ،، شغلي مزيكا ، وسعي الكراسي كده على جنب ،، البسي لَبْس قطن مناسب ، وشوف مناسب خفيف رياضي ،، ابتسمي ، نطي ،، لو عندك أطفال اولادك ، أخواتك الصغيرين نطي معاهم ،
لو وزنك زيادة او عندك اي مشاكل في الركبة نطي على خفيف وفترات محدودة ،
٣٥٠ سعر حراري تقريبا هتفقديها لو نطيتي الحبل لمدة ربع ساعة ،
وتخيلي كمان انهم بيقولوا ان فيه منظمة بريطانية لنط الحبل بتاكد ان عشر دقايق من نط الحبل تساوي الجري لمدة ٤٥ دقيقة ، وربع ساعة من نط الحبل كأنها ماتش كوره قدم او اسكواش لمدة نص ساعة ، او كانك لعبتي ساعة كورة طايرة ،
،،
نط الحبل بيشد الجسم كله ، مفيد للذراعين جدا ، مفيد لتحقيق تناسق شكل الجسم ،،
الاهم بأه انه بيرجعك لأحلى الايام ،، ايام ما كان نط الحبل اسلوب حياة ، دي حتى المشية كانت نط الحبل
