ذاكرتك ضعيفة ، حاسة انك مجهدة ، ؟؟ مش مركزة ، ايه اللي حصل لك على طول كده  مكسلة ؟؟ تخيلي ان الأعراض دي ممكن تكون بسبب انخفاض حصل عندك في الاداء العقلي ،، ايوووون ،، ما تتخضيش ، حياتنا اليومية مليانة احداث ومواقف واساليب غلط بتؤدي لتدهور في بعض وظائف الدماغ والعقل  ،،

طيب عايزة تحافظي على عقلك ، وتكسبي دماغك ، وللا عايزة مزيد من التدهور ،،

انتي اختاري 

لو عايزة مزيد من التدهور استمري في قعدتك الطويلة على الانترنت ، اللي هيكسب من ورآها كل المواقع اللي بتدخلي عليها بس اللي هيخسر بالتأكيد انتي!! 

عايزة تكسبي ،، أفصلي  النت شوية وقومي العبي ،، ايوه ،، العبي ،، اي لعبة ،، حركيّة ،، اتحركي ،، ممارسة اي رياضة حتى لو تمشية  وياسلام لو تمشية طويلة في مكان زي النادي ،، مفيش وقت كفاية يبقى مشوار لغاية السوبر ماركت ، وانتي في السوبر ماركت اجمعي واطرحي وأحسبي ، شوفي الأسعار ، وشغلي دماغك لو جبتي نوع الجبنة دي مع السكر ده ، والخضار ده كمان هيكون مجموعهم كام ، طب انتي معاكي كام ، هيفيض كام ،، يعني شغلي دماغك في عمليات حسابية بسيطة ،، وارجعي مشي بخطوات منتظمة لغاية البيت ، اطلعي السلالم ، بلاش أسانسير ،، توصلي البيت ، ما ترنيش جرس الباب استخدمي كفوف ايديكي الاتنين في الخبط على الباب ،  ارفعي ايديكي الاتنين لاقصى ارتفاع تقدري توصلي له وانتي بتخبطي ،، خبطي على نغمة إيقاعية ،، انطقي حرفين  X O ،، الحرفين دول بيحركوا عضلات كتير جدا في الوش ،، لما حد يفتح لك الباب وزعي ابتساماتك ومحبتك على اسرتك ،،  تخيلي ان التصرفات البسيطة دي ممكن تحسن نشاط الدماغ ، والذاكرة ،، 

انتي لسه قأعده تسمعي ،، قومي جربي ،، العبي ،، تكسبي