عينى على العاشق 
ويا طول سهر لياليه 
لو كان مهوش واثق
وحبيبه بيلعب بيه 
تملى تلقاه شارد 
لا حامى ولا بارد
كأن عليه مارد
والغيره نار تكويه
الفكر مشغول 
والجسم معلول 
ساكت ومش بيقول 
إيه اللى جد عليه
الوحده تحلاله
لا يمينه ولا شماله 
ويصعب عليك حاله
قطع الهوى وبلاويه 
معرفش ليه كل دا
وهياخد إيه من كدا
لو الغرام بالشكل دا 
طب ليه بنجرى عليه 
مبلاش خالص منه
لا عسله ولا سمه 
ونبعد بقى عنه
ولما نلاقيه نرميه 
منير خاطر