معلومات عن هرم ميدوم - حملة تعريف بنى سويف

يا تري امتي كانت آخر مرة زرت فيها هرم ميدوم؟ 
 When was the last time you visited Meidum pyramid

معلومات عن هرم ميدوم - حملة تعريف بنى سويف :-
هرم ميدوم هو هرم موجود فى منطقة ميدوم جنب ممفيس على الضفه الغربيه لنهر النيل فى محافظة بنى سويف على بعد حوالى 100 كم جنوب القاهرة.الموقع بيضم كمان بالاضافه للهرم معبد جنازى و مصاطب و طريق مايل بيودى لمعبد تانى مبنى قرب وادى نهر النيل.

هرم ميدوم بيمتاز بانه الهرم الوحيد اللى ليه شكل شبه-مكعب و دى كان مرحله انتقاليه بين الهرم المدرج (زى هرم زوسر) و الهرم الكامل (زى هرم خوفو).هرم ميدوم كان بيتكون من سبع درجات و بعدين اتضافت له درجه تامنه.التمن درجات دول اتساوو و فى النهايه اتكسو من بره بطبقه رقيقه من الحجر الجيرى (التورا)و بكدا شكله بقا يشبه الهرم الحقيقى.

معظم الباحثين بيتفقو على انه اللى ابتدا يبنى الهرم دا كان الملك هونى (اخر ملوك الاسره التالته) و ان اللى كمل البنا كان الملك سنفرو (أول ملوك الاسره الرابعه). فى عهد سنفرو و العمال شغالين فى عملية التكسيه حصل انهيار فى الطبقه الخارجيه للهرم و ساعتها بطلو الشغل و هجرو الهرم من غير ما يكملوه و سابو حيطان المعبد الجنازى فاضيه من غير اى كتابه عليها.الانهيار اللى حصل هو اللى مسئول عن الشكل الحالى المميز بتاع هرم ميدوم.

حملة تعريف بنى سويف (بلد لم تولد بعد )
https://www.Facebook.com/BeniSwief
https://www.Youtube.com/BeniSwief
https://www.twitter.com/BeniSwief

(دعمنا من هنا ) :-http://on.fb.me/TnCn1q